Ливэрпүүлийн Хөгжөөн Дэмжигчдийн Клуб

 

Би "ЛФС клубыг хэдэн оноос эхэлж дэмжсэн бэ?" асуултанд 2008 оноос гэж хариулдаг. Гэхдээ яг бодоод үзэхэрээр 2008 оны 2-р сараас анх хөлбөмбөг, тэр дундаа ПЛ-ийг шимтэн үзэж эхэлсэн байгаам. 2009 оны улирал эхлэхэд Ливэрпүүл бол миний клуб юм байна гэдгээ мэдсэн л дээ. Ингээд тэр үеэс л яг миний хөлбөмбөгийн сонирхол, амьдрал бодитой эхэлсэн байдаг.

Тэр жил яахав дээ, манайх тийм ч сайн байсангүй, тэр үед сүртэй хямарсангүй. Рафагын сүүлийн буюу тааруухан улирал байсан.

Челситэй хийсэн тоглолтыг санадаг юм, ахлагч хойшоо Рейна руу бөмбөг хаясан чинь дундаас нь Дрогба гарч ирж аваад хийдэг, 2-1 хожигдсон санагдана. Улаан хамарт өвгөн тэгсэн чинь "өөрсдөө ЧЛ эрхийн төлөө тоглож байж, манайхыг түрүүлүүлэхгүйн тулд худлаа бөмбөг өглөө" гэх маягаар баалж нтр :oops: Бодвол тэр жил Челси түрүүлж, маню 2-т орсон юм байлгүй. Улирал дуусаад Рафа явсан, тийм ч болохоор би Рафад хуучныхан шиг тийм сайн, сүрхий хандаад байдаггүй юм, ойлгоорой. Гэхдээ хүнийх нь хувьд Хилзборогийн мемориал дээр ирээд, дэмжигчдийн буруу биш гэдгийг хэлж байхад уйлж байхыг харж, хандив өгсөн зэргийг сонсоод өөрийн эрхгүй хүндэлдэг дээ :o 

Ирэх улирал нь 2010 оноос эмгэн Рой ирсэн, доогуур багаас ирсэн гээд нээх горьдоогүй ч нөгөө л "манайх энэ жил ална" гэдэг сэтгэлгээ суусан фанатын хувиар хүсэн хүлээж улирал эхлүүлсэн. Эхний тоглолт Арсеналтай 100 гаран минут тоглож, 1-1 тэнцэхэд догдолж л суусан. За тэгээд яахав, бас чойроод он гарангуут халагдаад Кинг Кенни ирсэн. Тэр болтол энэ эрхмийг мэддэггүй байлаа, үнэнийг хэлэхэд. За ингээд л авралын од маань ирж байгаа юм байна гэж бодоод хүлээсэн, аягүй аятайхан явж байснаа гэнэт 3-р сард ЕЛ-ээс хасагдчихсан билүү яалаа. Бас л нэг одгүй үе таарсан, дараа зун нь хийсэн Британжуулах аян нтр яанаа яана хаха. 

2011-2012 оны улирал. Сайнтай муутай үе байсаан, улаан хамарт өвгөн манайхыг хошгоруулаад л, тэр үед нөхдүүдтэй нийлсэн, ирж тоглолт үздэг болчихсон, Венус хавиар эргэлддэг байлаа. Өвлийн наймааны цонхоор түмний хайртай хүү блонд битч /Бадруулын хэлдгээр:lol: / явах болсноо зарлаж, цагтай тулган Энди Карролыг авчирсан. Аль аль тоглогчид нь өндөр үнэ, хүлээлтэндээ хүрч чадалгүй дууссан доо. Би Кэрролд дуртай байсан ч бэртэлтэй ирсэн, дээр нь үнэ нь өөрийг нь алчихсан санагддаг. Харин Торрес бол яахав, намайг дэмждэг болсноос хойш ихэнхдээ гэмтэл ярьж суусаар байгаад, Челсигийн хаалганд 2 гоол хийчэхээд явсан, би нээх үхэж хатаад хайрлаад байдаггүй, хүмүүсийн ярьдаг шиг төгс 9 тоглолтыг нь бүрэн үзээгүй ээ. 

Хэдийгээр лигд шалихгүй байсан ч итгэсээр, тэр үеийн Carling cup буюу лигийн цомыг хожиж, дэмжигч болсноор анхны цомоо авч байж билээ. Сайн таньдаггүй байсан ч шөнөжин хамт тэмдэглэж, фанатуудын мэдрэмжийг жоохон ч гэсэн авсаан авсан, гэхдээ одоо бараг мартаж шээт, ямар хурдан цаг хугацаа явж байнаа. Миний харууслууд ингээд эхэлж байна даа, энийг эхлэх гэж юун баахан түүх бичээв дээ:(

2012 оны 2-р сард цом авсны дараа лигийн байрлал утгаа алдсан, бүр 8-д ирсэн. Харин ФА капд Челситэй тулаад 2-1 бас хожигдсон. Яг тэр үед тун дажгүй формтой байсан том Эндиг тэр тоглолтонд сэлгээнд суулгасан, 2-0 байхад 2-р үед гарч ирээд манай ганц гоолыг хийсэн, дээр нь хаалга руу мөргөөд орж явсан бөмбөгийг бараг дотроос нь Чех буцаагаад гаргачихсан. Эхнээс нь Кэрролыг гаргачихгүй яав даа, хайран цом гэж харуусал эхэлсэн. Энэ хавар КК өөрөө ажлаа өгсөн, клубын ирээдүйн төлөө гэсэн тодотголтой.

2012-2013 оны улирлын балин хамарт БР-той эхлүүлсэн, за мань хүн бол алсаан алсан, ярих шиг болсон. In Brendan We Trust гээд би хүртэл явж өгсөөн. Карра, Даггер зэрэг классуудыг сэлгээнд суулгаж, нэгийг нь өөрөө явъя гэтэл, нөгөөх нь би зодог тайлъя гэж хэлтэл нь новширсон, ахлагчийг хүртэл жийх санаатай явсан өгөр шүү. Үлгэн салган 7-д орж, ЕЛ ч үлдээгүй.

2013-2014 он. Бүтэн жилийн харуусал. Жилийн эхнээс хүснэгтийг өнгөлж, Крисмасаар хүснэгтийн оройд байсан ч /түрүүлж чадаагүй ганц баг/ 1-р сарын 1 гэхэд 4 рүү унаж нтр хаха. Европийн тоглолт байхгүй нь нэмэртэй байсан ч тааруухан дасгалжуулагч учраас тоглогч тоож ирээгүй. Ер нь зөндөө олон тоглогч манайхыг хаяхыг харсан. Эриксон/тот/ Михитерян/Дор/, Уиллиан /Челси/ Снэйдер /Гал-сай/ гэх мэт. Тэр жил Мо Сала өөрөө манайд ирэх хүсэлтэй байсан ч манайх мөнгөндөө горойгоод байсан. Харин Моу/челси/ 1 сард манюг хожингуутаа Матаг үнэ хүргэж зараад, орны сэлгээнд нь мөнгө хаяад Салаг авч нтр. Коноплянка гээд сураг байсан, бас таг. Гэхдээ бүтэн жил гэвэл худлаа тэр нэг хожигдол хүртэл баяр хөөрөөр бялхаж байсан шүү. Ситиг 3-2 хожиж, Коу хожлын гоол хийж, Ахлагчийн хоолой зангирч байх үед би үнэхээр жаргалтай л байсан. Даанч тэр хожигдол, үлдсэн хугацаанд нөгөө цэнхэр баг оноо алдаасай гэсэн горьдлого, эцэст нь азгүй улирал дуусч нтр, үнэхээр хогийн, том харуусал. 

2014-2015 он. Бас бүтэн жилийн харуусал юм уу даа. Гол довтлогчоо алдаж, ЧЛ-т эргэн ирсэн ч хэсгээрээ гаралгүй чойрч, РМ талбай дээр гарсан гараа нтр ёоо. Тэр жилийн мэргэн бууч нь ахлагч 9 гоолтой нтр хаха. Ахлагчийн гэрээг сунгахгүй гэдгээ зарлаж, хөөж явуулж нтр. Хаалтын тоглолтыг нь 6-1 хожигдоход бусад багууд Лампстай харьцуулж нтр. Үнэн гомдмоор байсаан, БР-ыг үзэн ядаад эхэлсэн байсан байх, санах юм алга. Лигийн байр 6. 

2015-2016 он. Бүтэлгүй наймаа, бүтэлгүй улирал эхлүүлсэн. Гайгүй гялтайж байсан РСтерлингээ алдаж, оронд ирсэн хүмүүсийг ярих ч юм биш. Балин хамартыг хөөж, мөрөөдлийн дасгалжуулагч 10 сард ирэхэд зарлахад хичнээн баярлав. Лигийн хувьд хүснэгтийн 8 руу унасан ч 2 ч финалд хүрсэн. Аятайхан тоглож байсан ч гоол алдаж, унжийж, Ситид пенальтаар хожигдох тэр мөч! за яахав гээд өнгөрсөн, 3хан сарын дарын ЕЛ-ийн финалд хүрч, энэ л эргэлтийн цэг байна гэж бодсон ч 3-1 хожигдох тэр үе :cry: Эхний гоолыг хийгээд, хожих байх гэсэн ч паркын доод талын пабд 2 дарааллан цомоос мултрах үе :oops: 

2016-2017 он. Ямар нэгэн цом, тэгээд ЧЛ эрх гэж хүссэн ч арай гэж 4-р байраар дуусгасан. Цомын ган гачиг тайлагдаагүй ч эргэлзэгчээс итгэгч болсон үе 8-) гэхдээ л баг жигдрээгүй, цомгүй хэвээр л байсан :( 

2017-2018 он. ТОП 6 дундаа бол эргэлдэж байсан ч Робингүүд зангаа хаягаагүй, хэрэггүй алдаа, олон ноол алдалт хэвээр л байсан. Хамгийн харамсалтай нь ЧЛ-ийн финал. Манайх хожих ёстой баг нь мөн гэж бат итгэж байсан гайтай Рамосоос болж бүх зүйл эргэсэн. Хаалгачийн тэнэг алдаа, Бэйлийн азын гоолыг ярьж болох ч миний хувьд тэр тоглолтыг Рамос л шийдсэн. Бусдыг нь ярих ч юм биш, одоо болтол дотор хөндүүртэй. 

2018-2019 он. Хамгаалалтын асуудлаа шийдсэн ч зарим экспертүүдийн /Чинзо гэх мэт :D /№10 дээр хүн шийдэж чадаагүй. Гадны сайт дээр ч бичсэн байсан, тэр №10 бол тоглолт болгонд гарах албагүй гэж. Магадгүй л юм, зарим нэг тоглолтууд /ЧЛ, цомын тоглолт/ дээр харагдсан даа, бас болж өгөхгүй үе байдаг. ЮК ч өөрөө хэлсэн байна лээ бид нар олон тактик туршиж байгаа гэж. Хүмүүсийн хэлдгээр хэлээ цуцтал элддэг нь нээрээ багассан байх шүү. Лигт бол өөлөх зүйлгүй байгаа Ч бусад багууд үнэн гайтай супер байнаа :evil: За тэр ч яахав, юм дөнгөж эхэлж байна. Манайд байсан израйл Бенаюуныг сэлгээнээс гарч ирээд тоглолтыг өөрчилдөг гэдэг, магадгүй найруулгыг өөрчилсөн юм шиг байгаан, одоо тийм хүн хэрэгтэй юм болов уу. Боксиндэй дуустал энэ чигээрээ байвал болчих байх гэж горьдоостой:idea: 

Энэ жил хүлээлтээ урьд хожид байгаагүй өндөрт тавьсан байгаа :) улирлын төгсгөлд фанат хүний тэр их баяр хөөрийг эдэлнээ л гэж бодоод байгаа шд 8-) гүй ээ тэгээд баярлаж, харуусах чинь л фанатуудын, тэр дундаа Копуудын хувьд байдаг зүйлс юм уу даа :roll:

Нийтэлсэн: Бигги

Шинэ мэдээ мэдээлэл

Онцлох видео

© 2010-2024 Бүх эрхийг хуулиар хамгаалсан болно. "Ливэрпүүлийн Хөгжөөн Дэмжигчдийн Клуб" ТББ   Мэдээ илгээх