Ливэрпүүлийн Хөгжөөн Дэмжигчдийн Клуб

 

За энэ тоглолтыг тухайн үед нь үзэж байсан хэмээн мултраад яахав. Дараа нь энэ тоглолтын бичлэг, тоглолттой холбоотой мэдээлэл гээд олон л зүйл уншиж байлаа. Одоогоос 17 жилийн өмнөх энэ өдөр уг дуулиант тоглолт тохиож байж. 

Үндсэндээ 20 жил хөгшин Европын хамгийн том тайзнаас хол байсан Ливэрпүүл дахин хагас шигшээд гарсан бол тэдний өрсөлдөгч нь шинэ баян Чэлси байв. Чэлси тэр үед лигтээ хол тасархай түрүүлэх нь тодорхой болчихсон, Аваргуудын лигээс Барсаг мулталчихсан байлаа. Фэворит нь мэдээж Чэлси. 

Дэлхийн шилдэг тоглогч дасгалжуулагчдын Жеррардын тухай хэлсэн алдартай ишлэлүүд: 🗣 

Франческо Тотти: “Жеррард миний мөрөөдлийн гарааны XI-ын багийн ахлагч байх байсан. Жеррард бол бүх байрлалд тоглож чаддаг, тоглолтын ямар ч үед хөл бөмбөгөөр бүх зүйлийг хийж чаддаг онцгой тоглогч." 💪 

Фернандо Торрес: "Тэр бол эргэлзээгүй миний хамт тоглож байсан хамгийн агуу тоглогч, түүнд бүх зүйл бий." 🥇  

Патрик Виейра: "Би Алекс Фергюсон түүнийг надаас илүү гэж хэлснийг сонссон. Түүний зөв байх." 👀

Ливерпүүл клубийн довтлогч, мэргэжлийн хөл бөмбөгийн тоглогч асан, амьд домог, бүх цаг үеийн мэргэн бууч Ян Жэймс Раш 1961 оны 10-р сарын 20 буюу өнөөдөр мэндлэж байв.

Тэрээр Ливерпүүл клубийн төлөө 1980-1987, 1988-1996 онуудад тоглож явсан. Клубийн  түвшинд бүх тэмцээнийг оролцуулан нийт 346 гоол оруулан бүх цаг үеийн мэргэн бууч болж байв. Шигшээ багийн түвшинд 73 тоглолтонд 28 гоол оруулан 1980-1996 оны хооронд мэргэн бууч болж байв.

Мөн Раш Копуудын хувьд хамгийн шилдэг Ливерпүүл клубийн 100 тоглогчдын 3-р байранд орж байв.

Европын Аваргуудын лигийн хэсгийн гуравдугаар тойргийн тоглолтууд эхэлж, Испанийн аварга “Атлетико Мадрид” талбайдаа Английн “Ливерпүүл”-ийг хүлээн авч, 2:3-аар хожигдлоо. 

Тоглолтын эхэнд “Ливерпүүл”-ийн довтлогч Мохамед Салах гоол оруулж, түүний дараагаар гвинэй хагас хамгаалагч Наби Кэйта тоог 2:0 болгосон. Үүний дараагаар франц довтлогч Антуан Гризманн дубль хийснээр тоог тэнцүүлсэн юм. 

Гэвч Гризманн энэ өдөр зөвхөн гоол хийгээд зогсохгүй мөн бүдүүлэг алдаа гаргасны улмаас 52 минутад талбайгаас хөөгдөж, багаа арвууланг нь орхиж хөөдөв. 78 дахь минутад Мохамед Салах торгуулийн цохилт амжилттай гүйцэтгэснээр зочин баг ялалт байгуулсан. 

Тэгвэл тоглолтын дараагаар Диего Симеоне гар барилгүй хонгил руу гүйн орсон тухай яриа газар аваад байна. Тэд энэ талаар ийн өгүүлжээ.

“Хүнд хэцүү тоглолт болно гэж таамагласан тэрүүгээр л боллоо. “Атлетико” бол бөмбөг эзэмших гэж давчдаад байдаггүй баг. Тэдний эхний гоолыг бол бид бэлэглэчихсэн. Харин хоёр дахь гоол нь үнэхээр сайхан гоол байлаа. Гэхдээ бид тийм их орон зай огт олгож болохгүй.

Хоёрдугаар үед өрсөлдөгч багийн тоглогч хөөгдөж, бидэнд пенальти цохих боломж олдож, нэг талаас нь харвал азтай байлаа. Гэхдээ яаж тоглосонд биш гурван оноо авсандаа л би баяртай байна. 

Симеоне гар бариагүй тухайд бол би гар баръя л гэсэн. Яахав, дараагийн удаад хоёулаа уулзахдаа заавал гар барина аа. Үүн дээр өргөлт өгөөд яриад байх хэрэггүй биз. Мэдээж, тэр надаас болж биш тоглолтоос болж ууртай байсан байх. Тэгэхээр өөр юу нэмж хэлэх вэ дээ” хэмээн “Ливерпүүл”-ийн дасгалжуулагч Юрген Клопп өгүүлжээ.

Харин “Атлетико Мадрид”-ын дасгалжуулагч Диего Симеоне “Тоглолтын эхлэл бидний хүссэнээр болсонгүй. Хоёр гоол алдсныхаа дараагаар л бид төлөвлөж байснаараа тоглож эхэллээ. Хоёрдугаар үед тэргүүлэх гоол оруулах боломж гарсан ч хаалгач нь хаачихсан. 

Манай залуус цөөхүүлээ ч гэсэн сайн тоглолоо. Өмнөх тоглолтод “Милан”-аас тоглогч хөөгдсөн бол энэ удаад бидний ээлж болжээ. 

Гар бариагүй тухайд бол тоглолтын дараагаар би гар барих дургүй. Заавал гар барих ямар хэрэг байдгийг ч ойлгодоггүй. Хоёр багийн дасгалжуулагчийн хэн нэг нь тоглолтын дараагаар заавал сэтгэл гонсгор үлддэг шүү дээ. 

Тэд өөр соёлтой байж болно. Харин би гар барих дургүй хүн. Гэхдээ дараагийн удаа Клопптой тааралдахдаа мэндчлэх болно” хэмээн Симеоне өгүүлсэн байна. 

Оруулсан: Содоо

Яг одоо миний хувьд үнэхээр сэтгэл хөдлөм байна, бид 3-р байр эзэлж, Аваргуудын лигийн хөлбөмбөгийг ирэх улирал клубт аюулгүй байлгаж чадсандаа маш их баяртай байна.

Нөгөө талаар би нулимстайгаа тэмцэж байна, Ливерпулийн хүмүүс надад сүүлийн таван жилд маш их хайр хайрласан.  Баяртай гэж хэлэхэд маш хэцүү байна

Бидний авсан шагналууд, миний нэрийг дуулж буй фенүүд, би энэ гайхалтай клубын хамт хийсэн гайхалтай амжилтуудаа хэзээ ч мартахгүй.  Бид мартагдашгүй мөчүүдийг хамтдаа хуваалцсан, хэн ч үүнийг хэзээ ч биднээс авч чадахгүй ⁣

Шальке клубээс 2000 онд төрсөн, 186 см өндөртэй, Турк хамгаалагч Озан Кабакыг 1 сая паундаар зээлээр авахаар болсон байна. Хэрвээ боломжийн тогловол нэмж 500к паунд төлөх бөгөөд бүр дориун байвал зун худалдан авах нөхцөлтэйгөөр зээлэхээр боллоо. Үнэ 18-20 сая паунд гэнэ.

Зиаак ингээд хоёр залуухан төвийн хамгаалагчтай болчихлоо. 

Манай скаутууд бол Кабакыг аль эртнээс л ойроос ажиглаж бсийм шиг байгаан. Клоппын найз Хаддэрсфилд тауны дасгалжуулагчаар ажиллаж бсан Дэвид Вагнэр түүнийг авахыг зөвлөж, Клопптой ярилцсан гэнэ. Гэхдээ худалдаж авахынхаа өмнө болж өгвөл зээлээр тоглуулаад сориод үзсэн нь зүгээр шүү гэж хэлсэн гэх юм. Хэдийгээр энэ жилийн Шалькегийн нөхцөл байдал сайнгүй байгаа ч Бундеслигийн чамгүй туршлагатай гэдэг муугүй хэрэг. 

Лигийг 15 гоолтой мэргэн буучдын жагсаалтыг ганцаараа тэргүүлж байна. 

Хэрвээ өнгөрсөн жил ковидоос болж лиг дундаа завсарлаагүй байсан бол гурван жил дараалаад пичичи хүртчих байсан л гэж боддог. 

Хамгийн сүүлд домогт Иан Раш л 4 улирал дараалан 20+ гоол хийж байсан. Түүнээс хойш Фаулэр, Оуэн нар ийм амжилт үзүүлж чадаагүй. Луис, Фэрнандо нар хоёул 3 улирал хагас Ливэрпүүлд хүчин зүтгэсэн. Гэхдээ бүх улиралдаа түүн шиг 20+ гаргаж байгаагүй л юм. Эд бүгд төвийн довтлогч, цэвэр төгсгөгчид байсан. Харин Мо бол жигүүрийн довтлогч. 

Ливэрпүүл энэ улиралд айлын талбайд төдийлөн сайн тоглохгүй байгаа ч 4 хожихдоо дандаа Лондонгийн багуудыг талбайд нь буулган авчээ. 

Вэст хэм сайн формтой явсан учраас тоглолтод маш сайн бэлдсэн нь эхнээсээ тодорхой харагдсан байх. Тун нягт, тоглолтыг хяналтдаа байлгаж чадаж байсан ч эхний үед гоолдож амжаагүй. Клопп уламжлал ёсоор эхний үе дуусмагц хувцас солих өрөө рүү түрүүлэн гүйн орсон бөгөөд завсарлагааны 15 минутаар хоёрдугаар үед хэрхэн тоглохоо тунгаасан байж. Ингээд багахан тактикаа өөрчилж Миллиг #6 руу арагш татаж, Жинитэй байрлалыг нь сольсон байна. Аль болох Куртисыг хурдхан оруулахыг төлөвлөж байсан бөгөөд сайтар бие халаалтаа хийж амжсан, дөнгөж өчигдөр 20 нас хүрсэн залуу маань орж ирээд л тоглолтыг өөрчилж, Мо Салахд гоолын дамжуулалт хаясан билээ. 

6 жилийн өмнөх энэ өдөр Ливэрпүүлийн домог Дивок ф**** Ориги Улаануудтай нэгдэж байлаа.

Харин яг Анфилдын хаалгыг татсан нь бол 2015 он. Ливэрпүүл 2014 оны зун Лилль клубээс Оригиг худалдан авснаа зарлаж, эргүүлэн нэг жил тус багт нь зээлээр тоглуулахаар тохиролцсон юм. Ингээд Рожэрсийн он тооллын сүүлийн жил буюу 2015 онд албан ёсоор Ливэрпүүлд ирж байлаа...

Шинэ мэдээ мэдээлэл

Онцлох видео

© 2010-2022 Бүх эрхийг хуулиар хамгаалсан болно. "Ливэрпүүлийн Хөгжөөн Дэмжигчдийн Клуб" ТББ   Мэдээ илгээх