Эрхэм Копуудын энэ өдрийн амгаланг айлтгая.

“Ливэрпүүлийн Хөгжөөн Дэмжигчдийн Клуб” ТББ–аас жил бүр зохион байгуулдаг, Копуудын маань хүсэн хүлээсэн Red's Cup - 2018 хөлбөмбөгийн тэмцээн 9-р сарын 9-нд "56-р сургуулийн ногоон талбайд" болох гэж байна.

НЭГ. Тэмцээний зорилго

1.1. “Ливэрпүүлийн хөгжөөн дэмжигчдийн клуб” ТББ–ын гишүүдийн хүсэл сонирхлыг дэмжиж, нэгдсэн зохион байгуулалтанд оруулан өрсөлдүүлж аварга багийг тодруулахын хамт тэдний чөлөөт цагийг зөв зохистой өнгөрүүлэх нөхцөл байдлыг бүрдүүлж, цаашлаад хөлбөмбөгийн спортыг бүх нийтэд түгээн дэлгэрүүлэх, сурталчлахад үндсэн зорилго оршино.

ХОЁР. Тэмцээний удирдлага, зохион байгуулалт

2.1. Тэмцээнийг “Ливэрпүүлийн хөгжөөн дэмжигчдийн клуб” ТББ–аас томилогдсон зохион байгуулах түр хороо удирдан зохион байгуулна.

2.2. Тэмцээн 2018 оны 09 сарын 09–ны Ням гарагт болно.

2.3. Тэмцээнийг зохион байгуулах түр хорооноос томилсон шүүгчид шүүн явуулна.

2.4. Тэмцээн "Рэдс Кап" цомын тэмцээний дүрмээр явагдана.

2.5. Тэмцээнд оролцохыг хүссэн Копууд дараахи шаардлагыг заавал хангасан байна.

Үүнд: 

- Фэн клубын гишүүнчлэлийн карттай байх
- Гишүүнчлэлийн картгүй ч фэн клубээс зохион байгуулдаг үйл ажиллагаануудад идэвхитэй оролцдог байх.

Эдгээр шаардлагуудын аль нэгийг хангаж байвал та тэмцээнд оролцох бүрэн боломжтой.

ГУРАВ. Тэмцээний журам

3.1. Reds’ Cup цомын тэмцээний форматаар явагдана. 
- Тэмцээнд оролцох хүсэлтэй гишүүдийн тооноос хамаарч баг болон хэсгийн тоо шийдэгдэнэ. 
- Нэг хэсгээс 2 баг гарч хасагдах журмаар явагдана.

3.2. Тэмцээний нэг үе 10 минут байх бөгөөд 2 үе тоглоно.

3.3. Хэсгээс гарахдаа оноо, хоорондын тоглолт, гоолын зөрүү, шар/улаан хуудас гэсэн дарааллыг баримтална.

3.4. Хасагдах шатанд тэнцсэн тохиолдолд торгуулийн цохилтоор шийднэ. ЦАГ СУНГАХГҮЙ

3.5 Тэмцээнд оролцох хүсэлтэй гишүүдээс багийн ахлагчийг сонгоно.

3.6 Сонгогдсон багийн ахлагчид тэмцээнд оролцох хүсэлтэй тоглогчдоос Драфт маягаар сонголт хийнэ.

3.7 Тэмцээний хураамж - 15000 төг.

Жич: Энэхүү хураамж нь тэмцээн болох талбайн түрээс болон медаль, ус ундаа зэрэг бусад хэрэгцээтэй зүйлсэд зарцуулагдах болно.

3.8 Тэмцээнд зөвхөн Ливэрпүүл клубын хөгжөөн дэмжигчид оролцох бөгөөд Ливэрпүүл клубтэй ямар нэг хамааралгүй найз нөхөд, танил тал, өөрийн багаа дагуулж ирэн тэмцээнд оролцуулахыг хориглоно. Энэ тохиолдолд тэмцээнээс хасах хүртэл арга хэмжээ авахыг анхаарна уу!

3.9 Бүртгэл тэмцээн болох өдрийн 08-09 цагийн хооронд явагдах бөгөөд энэ хугацаанд ирж бүртгүүлсэн гишүүд багт хуваагдах тул та бүхэн цагтаа хүрэлцэн ирээрэй! Цагаасаа хоцорсон тохиолдолд тэмцээнд оролцуулах боломжгүй болохыг анхаарна уу!

3.10 Шүүгчийн шийдвэр бол эцсийн шидвэр байх тул аливаа асуудалд шүүгчтэй маргасан, шүүгчийн биед хүрсэн тохиолдолд тэмцээнээс хасах хүртэл аргаа хэмжээ авна.

3.10 Тэмцээн дээр согтууруулах ундаа хэрэглэсэн байдалтай ирэх, ирээд хэрэглэвэл тэмцээнээс шууд хасна!

3.11 Хэрэв тэмцээний журамд заагдаагүй зүйлс тэмцээний явцад тохиолдвол тэмцээнийг зохион байгуулах түр хорооныхон хэлэлцэн эцэслэн шийдвэрлэх болно.

Тэмцээний талаар дэлгэрэнгүй мэдээлэл авахыг хүсвэл 9901-4384 , 9982-8776 дугаараас лавлах боломжтой.

Хүндэт Копайтууд аа! Жилд ганцхан тохиодог Reds’ Cup хөлбөмбөгийн тэмцээндээ идэвхитэй оролцоорой. Түүнчлэн тэмцээнд оролцохгүй ч ирж дэмжиж, үзэж сонирхох залууст мэдээж нээлттэй. Удахгүй хөлбөмбөгийн ногоон талбайдаа уулзацгаая #YNWA!

Эрхэм хүндэт Копууд та бүхнийхээ энэ өдрийн амгаланг эрэн мэндчилье!

Ливэрпүүлийн хөгжөөн дэмжигчдийн клуб ТББ байгуулагдсан цагаасаа эхлэн Улаануудыг дэмждэг залуусыг нэгтгэх, цагийг үр бүтээлтэй, хөгжилтэй өнгөрөөх зорилгоор тогтмол олон янзын үйл ажиллагаа зохион явуулсаар ирсэн билээ. Үүний нэг бол Улаанууд бидний хамгийн их хүсэн хүлээдэг "Копуудын зуны цугларалт" байдаг юм. Энэ арга хэмжээний үеэр бид өнгөрсөн болон ирж буй улирлын талаарх таамаг, үзэл бодлоо сонирхолт нэгт андуудтайгаа хуучилхаас гадна нэгэн өдрийг цэвэр агаарт хөгжөөнт уралдаан тэмцээнээр өрсөлдөн шинэ улирлаа нээн эхлүүлдэг уламжлалтай болоод 8 дах жилээ үдэж байна. 

Энэ жилийн зуны цугларалтын хувьд Улаанбаатар хотоос 50км зайд Горхи-Тэрэлжид байрлах Monde Resort амралтын баазтай хамтран зохион явуулхаар болоод байгааг дуулгахдаа нэн таатай байна. 

Та олон жил энэ багийг чин сэтгэлээ дэмжиж ирсэн эсвэл дөнгөж дэмжиж эхэлсэн ч бай хамаагүй сонирхол нэгт, хобби нэгт найзууд чинь уриалгахан тосч аваад л уусган нэгтгэх болно. Фэн клубынхээ залуустай танилцаж, найз нөхөд болохыг хүсдэг бол хамгийн сайхан боломж нь энэхүү "Зуны цугларалт" мөнөөсөө мөн юм шүү. 

2018 оны 8 дах удаагийн "Копуудын зуны цугларалт"-н тов болон дэлгэрэнгүй мэдээлэл:

Хэзээ: 2018.08.11-нд 
Хамрах хүрээ: Ливэрпүүлийг дэмждэг хүн бүрт НЭЭЛТТЭЙ. 
Уулзах газар: УИД, Фонтам, Битлз хөшөө
Цугларах цаг: 09:00
Цугларалт болох газар: Байгалийн үзэсгэлэн цогцолсон Горхи-Тэрэлжид байрлах Monde resort амралтын бааз
Хураамж: 55,000₮ 
(Үүнд: Өдрийн 3-н хоол цай, хорхог, ус ундаа, +21 хүмүүст шар айраг, +бусад идэх зүйлс багтсан болно.)

Жич: Энэ удаагийн цугларалт "NO-ALCOHOL” буюу архигүй өдөр хэмээх уриатай зохион байгуулагдаж буй бөгөөд хамгийн сүүлийн үйл ажиллагаа дуусах хүртэл буюу 22:00 цаг хүртэл архи согтууруулах ундаа хэрэглэхийг хориглоно. 

ХУРААМЖ ШИЛЖҮҮЛЭХ:
Голомт банк: 1105036767 /Ливэрпүүлийн хөгжөөн дэмжигчдийн клуб ТББ/
Хаан банк: 5027601960 /Т.Хаш-Эрдэнэ/
Гуйвуулагч/илгээгч: Овог, нэр, утасны дугаараа тодорхой бичнэ! 
Төлбөрийн зориулалт: Цугларалтын хураамж. 

Цугларалтын талаар нэмэлт тайлбар, мэдээлэл авахыг хүсвэл:
ЗБК-ын утас: 99744007, 98600928, 99882339

Копууд бидний хүсэн хүлээдэг Зуны цугларалт маань болоход хэдхэн хоног үлдээд байгаа тул та бүхэн ажил төрөл, цаг заваа эртнээс зохицуулаарай. Хэрэв та ганц ч хүн танихгүй хэмээн цугларалтандаа ирэхээс бага зэрэг хойш сууж байгаа бол, ХҮРЭЭД Л ИР, бид таныг гайхалтай сайхан "нутагшуулаад" авах болно гэдгийг амлаж байна.
Тун удахгүй уулзацгаая

ЧИ ХЭЗЭЭ Ч ГАНЦААРАА АЛХАХГҮЙ!

Ливэрпүүлийн хөгжөөн дэмжигчдийн клуб ТББ

"Ливэрпүүлийн хөгжөөн дэмжигчдийн клуб" ТББ Капитрон банктай хамтран Дэмжигч гишүүдэд олгогддог гишүүнчлэлийн картаа тус банкны "Hobby Loyalty" картаар сольж, 200 гаруй байгууллагуудаар хөнгөлөлттэй үйлчлүүлэх боломжтой болсон билээ.

Хураамжийн мэдээлэл эхний зурган дээр үзүүлсний дагуу хөнгөлөлттэй үнээр 5000 + 1000 + 1000 буюу 7000 ₮ төлөөд бүртгэлд хамрагдан банкны төлбөрт системтэй холбогдсон картаа авах юм.

Цоо шинээр элсэж байгаа гишүүн Капитрон банкны аль нэг салбарт бичиг баримттайгаа очиж, дээрх 7000 ₮ хураамжаа төлж бүртгүүлээд картаа авна.

Жич: Карт олгогдсон сараас эхлэн гишүүнчлэлийн төлбөрт сар бүр 1000 ₮ суутгана гэдгийг мэдэгдье. Энэ нь Дэмжигч гишүүний жилийн хураамж бөгөөд та заавал клубийн дансанд тушаахгүйгээр сар бүр 1000₮ эсвэл жилийн эхэнд 12000₮ суутгах байдлаар төлөгдөх юм.

Хуучин гишүүд буюу 2017 оны хураамжаа төлсөн гишүүд энэ оныг дуустал сар бүрийн 1000₮ хураамж авахгүй бөгөөд банкин дээр очихдоо хуучин картын дугаарын мэдээллээ өгөх шаардлагатай. Харин картын үнэ болох 5000₮+ 1000₮+1000₮ буюу 7000₮-ийг карт авахаар хүсэлт гаргасан гишүүн бүр тушаана гэдгийг сайн ойлгохыг хүсье.

 

Шинэ мэдээ мэдээлэл

Онцлох видео

© 2010-2018 Бүх эрхийг хуулиар хамгаалсан болно. "Ливэрпүүлийн Хөгжөөн Дэмжигчдийн Клуб" ТББ   Мэдээ илгээх