Diary of Mademoiselle

[Mademoiselle]

Өөрөө толгойлоод, үйлдвэр байгуулах гэсэн чинь "туршлага багатай, залуухан" гэсэн тодорхойлолттой эзний шийдвэрээр больчихдог юм байна. Цогцоор шийдэх гэж, компанийн соёлд хүртэл өөрчлөлт хийе, жишиг үйлдвэртэй болъё гэж "залуухан" тархиндаа их л бодсон юмсан. Болсонгүй ээ, тэгсэн чинь.

/Тодорхойгүй хугацаагаар хойшлуулж байгаа юм, бүх тоног төхөөрөмжийг маань зарчихсан /

Үгүй, тэгээд дээрх тодорхойлолтыг батлах гэсэн юм шиг алдаж, дутуу бодсон юм ч их л байна л даа.
Гэхдээ өнөөх залуу насны ааг омгоор гэх үү, бүх л юмыг чадах юм шиг эрч хүч мэдрэгдэж байсан л юм.
Одоо тэр тодорхойлолтыг нь үгүй хийхийн тулд..
Ингээд нэг л өдөр өрсөлдөгч компанийнхаа ажилтан болох өдөр ирдэг юм байжээ.

Гоёо нэртэй, MCS соёлтой хүн том үйлдвэрийн технологийг хариуцахаар явлаа.
Энэ долоо хоногт ажлаа хүлээлгэж өгөөд, нэрлэсэн тодорхойлолтыг нь үгүй хийхээр өөр нэг хаалга татах нь ээ.
Жоохон айдастай л байна. Гэхдээ чадна аа.

[biggy]

Гоёо нэртэй, MCS соёлтой хүн том үйлдвэрийн технологийг хариуцахаар явлаа.
Энэ долоо хоногт ажлаа хүлээлгэж өгөөд, нэрлэсэн тодорхойлолтыг нь үгүй хийхээр өөр нэг хаалга татах нь ээ.
Жоохон айдастай л байна. Гэхдээ чадна аа.

одоо л чадахгүй бол хэзээ гэж? ажлын амжилт! ураад өг

[Нисдэг Чэстмир]

Жоохон айдастай л байна. Гэхдээ чадна аа.

Гэнэт ингээд харсан чинь яг хэрэгтэй зөвлөгөөг нь өгч чадаагүй ч юм болов уу гэх мэтчилэн эргэлзэж эхэллээ ... Залуухан тархиндаа бодож байснаа битгий гээгээрэй ... Нэг хаалга хаагдахад нөгөөх нь онгойж байдгийг амьдралаараа мэдэрчугаа хүнайн ... Дахиад асууж сураглах юм гарвал мэдлэгийнхээ хүрээнд чадлаараа хариулаад зөвлөгөө өгөх гээд л үзнэ ... Миний мэдэхийн л мундаг охин байсым чинь тэр араамаа хадгалаад явчиж чадна аа ... Гүүд Лух!

[Muujguu]

Ингээд нэг л өдөр өрсөлдөгч компанийнхаа ажилтан болох өдөр ирдэг юм байжээ.

Энэ бодлоо аль болох хурдан март л гэж хэлье дээ. Ямар тагнуулчийн дүрд тоглож байгаа биш хэхэ.
Нэгэнт эзэмшил шилжих үед нь шийдвэр гаргаж яваагүй, үлдсэн тул одоо байгаа газартаа шилдэг байх талаар бодсон нь дээр.

Гоёо нэртэй, MCS соёлтой хүн том үйлдвэрийн технологийг хариуцахаар явлаа.
Энэ долоо хоногт ажлаа хүлээлгэж өгөөд, нэрлэсэн тодорхойлолтыг нь үгүй хийхээр өөр нэг хаалга татах нь ээ.
Жоохон айдастай л байна. Гэхдээ чадна аа.

Технологийн хэсгийг хариуцах буюу удирдах /менежмэнт/ гэж ойлголоо мөн үү?, удирдах урлаг хаана ч ажиллана, суралцаж хөгжих нь ч нээлттэй, онгорхой гоё дөө (Y) Soft skill гээч зүйлийг л маш сайн судалж, өөртөө туршиж, бусдаар гүйцэтгүүлж дадаарай.

Сонирхуулбал:
Дээрх тодорхойлолтоор хойшлогдсон төсөөллийнхөө хар зургийг эндээ бичээд үлдээчихвэл дараа нь харахад тухайн тодорхойлолт өгсөн хүн хэр үнэнтэй дүгнэж вэ гэдгийг тайбарлахад амар бас бодьтой болно.
Ийм л бодлууд төрлөө дөө.

[Chinggis]

Өөрөө толгойлоод, үйлдвэр байгуулах гэсэн чинь "туршлага багатай, залуухан" гэсэн тодорхойлолттой эзний шийдвэрээр больчихдог юм байна.
Гэхдээ чадна аа.

Туршлага бага гэдгийг чамайг ажлаа сайн мэдэхгүй, насны хувьд юм үзээгүй гэхээсээ илүү хүнтэй бүх таалар нь харилцах, хүнийг ажиллуулах сэдэмж өгөх, чамтай чамгүй ажил чинь явдагаараа явж байх багийг босгох, босгох гэж байгаа багийг нь өөрсдөөр цаашдаа хөгжүүлдэг болгох, тодорхой хэмжээнд хүнээс үг сонссон хугацаа л дутмаг гэж харсан байх.
Тэрнээс ажил дээрээ л байхдаа ажил нь аймар сайн байдаг хүнийг сайн удирдлага гэдэггүй юм байгаам. Тэгэхээр залуухан мөртөө маш сайн туршлага хуримтлуулсан байхийн төлөө л ажиллах хэрэгтэй. Өөрийгөө ч тийм хэмжээнд хөгжүүлэх хэрэгтэй юм байгаам.
Гэхдээ яваандаа бол чи чаднаа. гоё боловсроод л бай.

[Mademoiselle]

Би нээрээ үнэн эмо байжээ.

[Шинээ]

Би нээрээ үнэн эмо байжээ.

Одоо больчихсон юм уу ?

[Mademoiselle]

За, ажил гэмээнэ дуусашгүй дундрашгүй байсан өдрүүд ард хоцров бололтой.
100% ноолууран хослол хийж сураад, компани өөрөө ханах маягтай.
ОУ-д чиглэсэн худалдааны ажлууд дээрээ төвлөрөөд пальто илүү борлуулалттай байгаа зах зээлээ мэдрээд эхлэлээ. Ингээд бараг жил гаруй ажилласан ажил дээрээ жижиг сайжруулалт хийгээд явахад хангалттай байхаар харагдаж байна.

ОУ тавцанд гарахаас үүдээд хөндлөнгийн аудит орж, манайхаас гаргах бүтээгдэхүүнд тохирлын гэрчилгээ маягийн зүйл олгох болоод 1 сар шахам ажлуудаа цэгцэлж авлаа. ОУ-н аудит гэсэндээ монголын хөдөлмөрийн зах зээл дээр хүнээ бодсон үйл хэрэг явуулдаггүй нь илрэхээ шахав шүү.
Байнга ажлын цаг хэтрүүлэн ажилладаг, илүү цагийн мөнгө өгөхдөө дургүй, орж гарахад хүртэл бөөр бөгс илж шалгаад, хяналт тавьдаг нь хүртэл арай хүнлэг болоод, бага багаар оу-н компани болох гээд л байна. Эрүүл мэндийн үзлэг явуулахдаа хэвлийн эхог харуулахгүй, жирэмсэн болсон хүнийг ялгаварлан гадуурхахгүй гээд л..

Нийтлэг үндэслэлдээ тулгуурлаад бас стандартын тогтолцоо багцаар нь хэрэгжүүлж байгаа. Үйлдвэрлэл талаасаа ХЭМАБ-н дотоод аудитор болоод амжлаа. Осол гараад, хүний амь эрсдсэн дээр нэлээд акцент өгөөд түүн дээрээ тулгуурласан чиг үүргийн нэгжүүд далайцтай ажлууд хийж байна. Үндсэн ажлаасаа гадуур оролцоотой хэд хэдэн үүрэг хүлээгээд авсан байгаа. Одоо багаа бүрдүүлж аваад өргөн хүрээнд юм хийх гээд бодоод байгаа уг нь.

Гоёог нэгтгээд нийт өрийн дүн ихэссэн учраас урамшуулал олдохгүй байх сурагтай. Наадмаар хагас сая төгрөг өгөх байх гэсэн хүлээлтийг ёстой арчаад хаясан нь ажилчдын сэтгэлзүйд их нөлөөлөх шиг боллоо. Жилийн эцэстээ хэдэн төгрөгний урамшуулал өгөх нь үү, мэдэхгүй. Цалин ер нь дундажаас дээгүүр гээд хаана хаанаа нэмэхгүй байх бодлоготой юм.

Ажил явуулахад ч удирдлагын ур чадвар, тодорхойгүй байдал их юманд нөлөөлөх юм даа. Саяхан бүр тэсэхээ байгаад гарч, ордог юм билүү ч гэж бодлоо. Хэдэн газар судлаж үзсээд, уулзаж үзсэн ч цалин хангамж хараад санал тавьж чадахгүй юм байна лээ. Тэгснээ за, ер нь дагнасан чиглэлээрээ яваад сайжраад, цаашлаад явахаа бодно байгаа гээд тэрнийхээ дагуу сэтгэл хөдлөлөөр шийдэхгүй байхаар хичээж их ч бодлоо. Одоо өдөр тутмын ү.а-гаа жижиглэж хувааж хүмүүстээ хуваарилаж сурахгүй бол стрессээс үүдсэн зан характерийн доголдолтой болох гээд байгаа шүү. Хурган дарга чинь болж өгвөл загнадаг болчихдог юм байна.

Бусдаар ч сонин юмгүй дээ.

Бо-бо-зо ахын үүсгэн байгуулсан эдийн засгийн гэгээрлийн төлөөх сайтад нь эдитор-оор орохоор болсон. Шижигнэсэн сайхан залуучуудтай нийлээд тогтмол нийтлэл орчуулах, оруулах тал дээр ажиллахаар тохиролцсон. Ах өөрөө шинэ компани яасан ийсэнээ ам султайм болохоороо ярьчихаа биз

Би ямар талаас оролцох, яах ийх дээр санал нэгдээд урамтай байгаа болохоор орчуулгын нэг нийтлэл дээр сууж байгаа. Гэхдээ орчуулгын чадвар их мууджээ, янз нь. Уншихаа болиод тэгээ юм болов уу. Уг нь их л эвтэйхэн бичдэгсэн..

[biggy]

Залуучууд өөрсдийгөө гололгүй хийх цаг болсон шүү, ёстой зөв.
Элдэв янзын зөвлөгөө нтр гээд яахав, илүүц. Харин нэг юм гэвэл мэдлэг боловсрол мэдээллийн хувьд залуус хэнээс ч дутахгүй болсон. Одоо тэрнийгээ ашиглах, туршлагажих л байгаа, хийх манлайлах цаг болсон гэдэгтээ итгэлтэй байж урагшаа хараад зүтгээд байж дээ.
Эндхийн залуусаа сайхан явааг харах бас нэг сайхан зүйл, ажлын амжилт хүсье!