Копуудын Улаан Булан

Re: 60/60/24/30/12/нэмэх

2018-11-21T22:46:19+08:00

Эхлээд дурладаг. Цаашлаад илүү нэгнийгээ таниад, муу сайнаа мэдэлцэхийн цагт хайр болгох уу, үргэлжлэх үү, хамт амьдрах уу, эцэслэх үү гэдэг шийд гардым болов уу. Гэхдээ мэдээж хэн нэгэнд дурласан бол, хайрласан бол тэр хүнийхээ төлөө өөрчлөгдөх, дургүй зүйлээс нь татгалзах, хичээх зэрэг нь заавал хүчлэлтгүйгээр болдог юм шиг санагддаг. Нөгөө талаасаа гэвэл би чамд хайртай учраас чи ийм байх ёстой, тэрийгээ өөрчлөх ёстой гэж нэхэх ч бас утгагүй байх. Тэгэхээр л хайр гэдэг чинь өөрөө ойлголцол, хүндлэл, тэвчээр зэргийн нийлбэр юм уу даа... гэсэн чинь бараг л адилхан утга давтагдчихаж дээ хаха

Статистик: Бичсэн Бичсэн Tungaa — Лх 11-р сарын 21, 2018 10:46 pm

Re: 60/60/24/30/12/нэмэх

2018-11-21T15:59:47+08:00

Ladykop бичсэн нь: ↑
Лх 11-р сарын 21, 2018 3:26 pm
хайр, хамт байх гэдэг тэр л юм шиг байгаан. Дурлал бол мэдээж өөр, дүрэлзээд өнгөрдөг. Анх бие биендээ татагдсан тэр чанар нь байхаас гадна хамтдаа хөгжөөд, тэр хөгжлийн хэмнэл нь ижил байж хамтын амьдрал бүтэх байх.

Дурлалд бол ижил ханьсах ч хэрэггүй... түй ч хамаагүй бодлогогүй сайхан байх хэрэгтэйм шиг... Яг л тамхи эрүүл мэндэд муу ч сайхан мэдрэмж төрүүлдэг тайвшируулдаг гэдэг шиг... зүгээр л мэдрэмж...
харин хайр нь баахан бодлого нул ядаргаа стресс... тийм болоод л госууд удаад хамтран амьдрах нэг завинд суугаад ирэхээрээ л ядаж л алив наашаа суу л даа унах нь... эсвэл тэнцвэрээ ольё.. салхи аль чиглэлд байна... далбаагаа хэзээ хөдөлгөх үү... хамтдаа зэрэг эрэг рүү сэлүүрдэх үү... тиймээс өөрчлөлтгүй зүгээр биеэ бариад уусах уу эсвэл уусгах уу гэх асуултууд ундардаг юм шиг. Зөвхөн үлгэрт л хосууд учираад аз жаргалтай төгссдөг.. харин жинхэнэ асуудал тэндээс эхэлдэг... учир тохиол бол жижигхэн тогтмол тохиол гэх жижиг бодлууд урссаар л...

Статистик: Бичсэн Бичсэн Gunbold — Лх 11-р сарын 21, 2018 3:59 pm

Re: 60/60/24/30/12/нэмэх

2018-11-21T15:26:55+08:00

хайр, хамт байх гэдэг тэр л юм шиг байгаан. Дурлал бол мэдээж өөр, дүрэлзээд өнгөрдөг. Анх бие биендээ татагдсан тэр чанар нь байхаас гадна хамтдаа хөгжөөд, тэр хөгжлийн хэмнэл нь ижил байж хамтын амьдрал бүтэх байх.

Статистик: Бичсэн Бичсэн Ladykop — Лх 11-р сарын 21, 2018 3:26 pm

Re: 60/60/24/30/12/нэмэх

2018-11-21T14:31:14+08:00

нар зөвхөн түүнд зориулагдаж тусдаггүйтэй адил мэдрэмж ганцхан чинийх биш... хайр ч бас тиймээс л хэн нэгэнд аттагдах таалагдах чи мянга өөрийнхөөрөө байх нь түүнд таалагдсан ч өөрчлөгдөх хэмнэл минь бас түүнд таалагдахгүй байх нь байх юм... боловсон зөв байх эрүүл байх хэмнэлд тэмүүлэхээр чи өөрийнхөөрөө л намайг татсан гэнэ... харин эр хүн сулбагар байх зохимжгүй гэнэ... тиймээс хамтдаа өөрчлөгдөх сэтгэл зүйд тэмүүлэхэээр тэндээс бас шинэ асуудал үүснэ... миний сүүлд авсан хандлага бол аз жаргалыг чимээгүй хамтдаа эдлэх гэсэн ойлголт ирээд байгаа харин би эрс өөрчлөлтийг өөрөөсөө хүсч байгаа гэх мэт... ямартай ч зөв зүйлд өөрчлөгдөх нь зөв харин түүнтэй нь тэр хамт байх уу гэдэг нь өөр асуудал ч юм шиг... ер нь тэгээд хамтын амьдрал зохионо гэдэг тэвчээр шаардсан урлаг гэж люмино дуулдаг үнэн мэт... би дуу дуунаас амьдралд ирж буй мэдрэмжийг шингээх дуртай... одоо бол яг энэ дуунд уусч тамхиа санагалзаж байна... бас зүгээр л үл тоон амьдрах хэмнэлийг.. илүү зүйлгүй юу ч хүсэхгүйгээр
iframe

Статистик: Бичсэн Бичсэн Gunbold — Лх 11-р сарын 21, 2018 2:31 pm

Re: 60/60/24/30/12/нэмэх

2018-11-21T12:36:32+08:00

Хамгийн зөрчилтэй, маргаантай, төвөгтэй хэсэг нь наад өөрчлөлт чинь юм шдээ ... Мэдээж дурлаж мурлаад тэр хүнтэйгээ хамт баймаар байж байтал тэрэнд таалагддаггүй зан чанарууд гараад ирэхээр өөрчлөгдөх ёстой мэт болов чиг нөгөө талаас цаадах чинь ч чамд бас татагдсанаараа зарим нэг өөрчлөлт орж таарах байх ... Ер нь хоорондоо зохицоод хоёулаа өөрчлөгдөөд хоёр талаас алхсаар байгаад дундаа уулзаж чадвал тэгээл хамтын амьдрал болдым бишүү дээ ... Би бол өөрчлөгдөх ёстой л гэж бодож байна ... Тэр өөрчлөлт нь бас чиний нэг хэсэг учраас ... нтр ...

Статистик: Бичсэн Бичсэн Нисдэг Чэстмир — Лх 11-р сарын 21, 2018 12:36 pm

Re: 60/60/24/30/12/нэмэх

2018-11-21T10:09:49+08:00

iframe

Хүнд дурлаад өөрчлөгдөх ёстой юу... Эсвэл анх тэр хүн дурласнаар л байх хэрэгтэй юу... өөрчлөгдөхийг нь хүсэхгүй байх боломжтой юу... хайр ер нь заавал хэн нэгнийг өөрчлөх ёстой... бас өөрчлөгдөх нь илүү сайн, илүү хайрлаж хүндлэх хэлбэр мөн болвуу...

Статистик: Бичсэн Бичсэн Gunbold — Лх 11-р сарын 21, 2018 10:09 am

Re: 60/60/24/30/12/нэмэх

2018-11-20T11:13:42+08:00

[youtube]https://youtu.be/wGFAi6WCWEY?list=RDwGFAi6WCWEY [/youtube]

Бүжиг гэдэг ер нь хүний сэтгэлийн хөдлөл мэдрэмжийг биеэр илэрхийлнэ гэдэг сонин сонирхолтой зүйл шүү... сүүлийн үед энэ аян дээр бүсгүйтэйгээ бол хэдэн ч удаа бүжиглээд уйдахгүй мэдрэмжтэй байгаа. Нэг л тийм дотно, дотроосоо илүү нэгэндээ уусч байгаа мэт санагддаг... Кизомба бачата ер нь бүжиглэж сурах л хэрэгтэй санагддаг.

Статистик: Бичсэн Бичсэн Gunbold — Мя 11-р сарын 20, 2018 11:13 am

Re: 60/60/24/30/12/нэмэх

2018-11-15T15:10:44+08:00

Сэтгэлийн амт

Цонхны цаана хүчтэй, хүйтэн салхи үе үе исгэчинэ. Маргааш, ирэх долоо хоногт амжуулах бүхий л ажлаа төлөвлөн амсхийх зуур аяга халуун цай оочингоо би алсыг ширтэнэ зогслоо. Ажлын хамгийн ачаалалтай өдөр болох ирэх даваа гариг Олон улсын эмэгтэйчүүдийн эрхийг хамгаалах өдөр. Тиймээс зөвхөн ажлаас илүү хөөрхөн охин, халамжит ханиа хэрхэн баярлуулах вэ, ямар бэлэг барих вэ гэдэг нь миний томоохон асуудал болоод байлаа.
Гэртээ ховорхон байдаг миний хувьд хором ч гэсэн зав гарвал тэднийгээ л баярлуулж, хамт байх нь амьдралын минь үнэ цэнэ. Гэвч бага цалин, олон зээл, цаг наргүй ажил үргэлж тэднээс минь намайг хол байлгана. Хаврын энэ хуурай, саарал өдөр бодол минь ч тав тухыг үл олон эргэлдэн байхад ажлын нөхөд минь цайндаа гаръя хэмээн бодол, санаанаас минь намайг сугалав.
Цасгүй, шавхай ч үгүй зөвхөн жихүүн салхи шавхуурдсан хүйтэн гудамжаар бид гүйлдэн ойролцоох цайны газарт ирцгээв. Даарсан, ядарсныг ч хэлэх үү, бүгд өөр өөрсдийн үргэлж захиалдаг дуртай хоолноосоо илүү банштай, хийцтэй цай ихэнх нь захиалав. Би ч бас бусдын адил захиалга өгөхөд залуус маань ам уралдуулан эмээ, ижий, эхнэрийнхээ хийцтэй сайхан цайг санагалзан магтацгаав.
Ийм л өдөр гэрээс гаралгүй хийцтэй баавар цайгаа уучхаад хөнжилдөө шурган эрхэлмээр байгаа хүслээ хэн нэгнээс санаа зоволгүй бүүр бахдан ярьцгаав. Миний дурсамж ч ганцаар үлдсэнгүй. Амралтын өдрийн өглөө болгон сэрэхэд минь хамар цоргион үнэртэн байдаг ижийнхээ хийцтэй цайг санав. Тогоо дүүрэн цайг ах бид хоёр ч ёроолгүй мэт уудагсан. Ах минь будаа, цайг нь харин би сүүлэнд багсарсан том том гурилд нь дуртай байж билээ. Ингэхэд би гэдэг хүн эмэгтэйчүүдийн баяр хэмээн байнга бодож байгаа хирнээ зөвхөн гэрийнхээ хоёрхон эмэгтэйг бодсон байна шүү дээ. Өөрийгөө ургуулан, өрнөөсөө сэмрүүлж төрүүлсэн ижийгээ мартаж л байдаг.
Энэ хүйтэн өдөр, ижий минь хөл нь хүйтэн, сэтгэл нь бүлээн, олны хөл бужигнасан ажил дээрээ сууж байгаа байхдаа хэмээх бодол минь намайг тайван суулгасангүй.
-Уучлаарай, нэг банштай цайгаа, авч явахаар шүү...
Утга нь үл олдох олон нааш цааш холхин гүйлдэх хотын төвд, жижигхэн сонин зардаг мухлагт үүрээс үдшийн бүрийг хүртэл суух ижий минь, дотнын хүнээ хүлээх мэт сонин гарчиглах хүмүүсийг, худалдаад авчих вий хэмээн итгэл тавин ширтэн сууна. Өдөр өдрийн өнгө шиг, өч төчнөөн эрээн цааснуудын цаана, жижигхэн тэр талбайдаа багтах гэсэн шиг улам жижгэрсэн энэ бүсгүй, зовхи нь унжсан ч гэрэл унтраагүй алаг нүд, хамар нь насаараа цаасан дунд ажиллаад хуурайшсандаа улайж холцруутсан ч түүнийгээ эмэгтэй хүний чадвараа ашиглан будгаар дарсан, хэчнээн жил болж элэгдэн хуучирсан ч солихыг хүсдэггүй, өөрт нь эвтэйхэн санагдах жижигхэн энгэрийн цүнхээ биеэсээ салгадаггүй, бусдын нүдэнд энгийн л нэг шар эмгэн байлаа. Харин миний хувьд...
-Ээж, сайн уу? Хүү нь харин ажилтай, үүгээр гүйж яваад, дайраад гаръя гээд ирлээ.
-Ээ миний хүү сайн уу? Алив... хэмээн хацрыг минь үнсэхэд олноос ичих миний тэнэглэл энэ үед л алга болж, харин амьдралд хамт байх хугацаа минь богино үлдсэн нь мэдрэгдэх шиг айдас дотогш элсэн цаг шиг урсаж эхэллээ.
Хүүгийнхээ авчирсан банштай цайг уун дулаацах ижий минь, намайг ирсэнд минь л илүү гялайн сууна. Хамрынх нь хөлс нь бурзайн суух ижий минь өег сэтгэлээ мэдрэн суухдаа дотроо уудлаж:
-Нэг удаа, миний хоёр хүү Мартын 8-аар ээждээ бууз хийж өгч баярлуулна, та цаашаа бай гээд гал тогоонд намайг ойртуулахгүй их бужигнасандаа. Тэгтэл хэншүү гарахаар нь очтол жигнүүрэндээ ус хийхгүй буузаа жигнээд, жигнүүрээтүлчихсэнбайжбилээ. Ээжньзагнажч чадаагүй. Ах нь анх удаа хоол хийж чи тусалж байсан юм.Ус хийж жигнэдэг гэж огт бодоогүй юм шиг байгаа юм. Тэгээд ээж нь жигнүүрээ солиод буузаа жигнээд идэх гэтэл ах нь:
-Ээжээ,та битгий уурлаарай. Бид хоёр сонгино, давсаа хийхээ мартчихаж. Та араас нь идчих үү гээд хэрчсэн сонгино, амтлагчийн савтай давсаа бариад зогсоцгоож байж билээ... хэмээн инээмсэглээд,
-Та хоёрыг унтуулчхаад ээж нь жигнүүрийнхээ түлэнхийг арилгах гэж шөнөжин үрж цэвэрлэсэн ч, давс сонгиногүй тэр бууз ээжийнх нь идсэн хамгийн сайхан амттай бууз байж билээ... гэв. Амт гэдэг сэтгэлд л тэгж илүү амтагддаг байхдаа.
Харин би тэр цагаас хойш өдийг хүртэл ижийгээ “сэтгэлийн амтатнаар ”цатгаагүй л явна.
2015. 02.08 Улаанбаатар.

ижийгээсээ сонссон өөрсдийнхөө бяцхан түүхийг баяжуулан өөрчлөн ийм жижигхэн өгүүллэг бичээд, ижийдээ төрсөн өдрийн баярт нь давхар бэлэг болгон өгч, нулимстай баярлуулчихлаа

Статистик: Бичсэн Бичсэн Gunbold — Пү 11-р сарын 15, 2018 3:10 pm

Re: 60/60/24/30/12/нэмэх

2018-11-14T16:43:18+08:00

Нэг л тийм эмо талруугаа сэдэв юм байна. Эмо гэсэн юмыг ийшээ чихээд байж болно биз дэ

Статистик: Бичсэн Бичсэн Chinggis — Лх 11-р сарын 14, 2018 4:43 pm

Re: 60/60/24/30/12/нэмэх

2018-11-14T12:04:25+08:00

... баярлалаа та бүхэндээ.. гэж мэж төгсгөөд нөгөө Латтэ уужаагаа зургаа постлооч дээ...

Статистик: Бичсэн Бичсэн Redman — Лх 11-р сарын 14, 2018 12:04 pm

60/60/24/30/12/нэмэх

2018-11-14T11:52:23+08:00

Өдрийн мэнд
Өөрийн нэг ийм хуудас нээлээ... 100дахь бичилтээ ингэж хиймээр санагдлаа... Бас бяцхан бодол, өдрийн тэмдэглэл, өөрийн өнцөг...
Амьдрал өөрөө дурсамж... БИд бүүр илүү их сэтгэлгээний хувьд санахын дурсахын жаргалыг илүү их мэдэрдэг ард түмэн юм шигээ... эртний л холоос нэгнээ санадаг үгүйлдэг уулзахаас илүү санаж хайрлаж илүү их эрхэмлэж сурсан ард түмэн гэж ойлгодог. Тиймээс эндээ тодорхой бодол дурсамж үйл явдал хадгалья дурсая гэж бодлоо.. бас та бүхэнтэй хуваалцаж байя

Статистик: Бичсэн Бичсэн Gunbold — Лх 11-р сарын 14, 2018 11:52 am