Клопп: Манайхан хаанаас пүүз олж өмсгөснийг би огт мэдэхгүй
Вийналдум түрүүчийн долоо хоногийн дундуур Аваргуудын лигийн хэсгийн Ливерпүүл-Марибор 3:0 тоглолтын гараанд гарсан ч бэртэж талбайг чөлөөлсөн. Түүний гэмтэл илааршихгүй, өвдөгний хавдар харихгүй, зовиур нь намдахгүй байсаар Вест Хэм-Ливерпүүл тоглолт болох хугацаа тулсан.
Вийналдум тус тоглолтод оролцохгүй ч эмчилгээгээ таслахгүйн тулд багийн эмч нараа дагаж Лондонд очсон гэнэ. Тоглолтын өглөө босоход хавдар нь харьж, огт зовиургүй болсон байж. Эмч нар ч Клоппод түүнийг талбайд гаргахад ямар ч асуудалгүй гэж танилцуулсан байна.
Гэтэл гараанд гарах байтугай сэлгээнд ч суухгүй гэж бодсон Вийналдум тоглолтын пүүзээ Ливерпүүлийн Мэлвүүд дэх хувцасны шүүгээндээ орхиод ирсэн байж...
Вест Хэм-Ливерпүүл 1:4 тоглолтын дараа Клопп их л баясгалантайгаар “Манайхан хаанаас пүүз олж өмсгөснийг би огт мэдэхгүй” гэж ярилаа.