Виржил Ван Дайк - Азарга

Ливэрпүүл миний амьдралын салшгүй нэг хэсэг
Хэрэглэгчийн хөрөг
meesh
Ганган бичигч
Бичлэг: 277
Элссэн: Мя 12-р сарын 05, 2017 1:20 pm
Талархсан: 13 удаа
Талархагдсан: 154 удаа
CONTACT:

Re: Виржил Ван Дайк - Азарга

Бичлэг Бичсэн meesh » Лх 9-р сарын 04, 2019 12:28 pm

Зураг
Дасгалжуулагчид, тамирчид багаа сольдог, харин фанатууд хэзээ ч...

Хэрэглэгчийн хөрөг
Redman
Ганган бичигч
Бичлэг: 234
Элссэн: Лх 11-р сарын 08, 2017 2:43 pm
Талархсан: 87 удаа
Талархагдсан: 85 удаа
CONTACT:

Re: Виржил Ван Дайк - Азарга

Бичлэг Бичсэн Redman » Да 9-р сарын 16, 2019 6:45 pm

"Үхээд сэрсэн нь"

Зураг
Дэлхийн шилдэг хамгаалагч Виржил ван Дэйкийн амьдрал, хөлбөмбөгийн замнал нь тийм ч дардан байгаагүй юм. Ливэрпүүл түүний төлөө 75 сая паундыг ажралгүй төлж, дэлхийн шилдэг хамгаалагч болохын төлөө их зүйлийг туулжээ.

Анх Нидерландын Виллем II багийн хүүхдийн академид элсэн орж, хажуугаар нь аяга таваг угаах цагийн ажил хийдэг хэрсүү хүү байв. Эхэн үедээ тэрээр баруун жигүүрийн хамгаалагчаар тоглодог байсан ч амжилт олсонгүй. Харин 17 настай байхдаа байрлалаа өөрчилж төвийн хамгаалагч руу шилжлээ. Учир нь тэр 18 см суга өссөн байна.

2011 онд тэрээр Гронингэн клуб руу шилжив. Ливэрпүүлийн фэнүүдэд энэ нэр танил. Учир нь тус клуб анх Луис Суарэзийг Европ дахинд танилцуулсан юм. Гарчгаа “үхээд сэрсэн нь” гэж нэрлэсэн нь учиртай. Грониген клубт өөрийгөө дөнгөж таниулж эхлээд байтал гэнэтхэн түүний бие муудаж эхлэв. Эхлээд энгийн нэг ханиад хэмээн бодож, гэртээ хэд хоног хэвтсэн ч байдал дээрдсэнгүй. Эмчид үзүүлтэл оношийг нь тодорхойлж чадахгүй, дахиад гэр рүү нь буцаалаа. Өвдөлт нь маш ихээр нэмэгдсэн тул Виржилийн ээж нь өөр эмнэлэгт хандлаа.

Яаралтай арга хэмжээ авч, шинжиж үзэхэд мухар олгой нь дотроо хагарсан байхыг олж мэджээ. Эмч нар түүнд яаралтай мэс засал хийсэн ч бөөрний дутагдалд орж амь нас нь хутганы ирэн дээр очсон байлаа.
“Орон дээр хэвтэж байснаа санадаг. Хөдлөхийг хичээсэн ч хамаг бие минь хэмхэрсэн мэт санагдаж байлаа. Ийм үед хүний толгойд зөвхөн таагүй зүйлс л эргэлддэг юм билээ. Яг л энэ үед хөлбөмбөгөөс өөр чухал зүйл байдгийг анх ойлгосон юм. Миний амьдрал дээсэн дөрөөн дээр дэнжигнэж байлаа.

Ээж бид хоёул бурханд залбирахын зэрэгцээ боломжит нөхцөл байдлын талаар ч ярилцаад амжсан. Бид ямар нэгэн цаасан дээр гарын үсэг зурах ёстой байсан. Энэ бол ‘гэрээслэл’ байлаа. Хэрэв би үхвэл миний мөнгөний ихэнх хэсэг ээжид очих талаар тусгасан гэрээ байв. Үнэндээ бид ийм зүйлсийн талаар ярилцахыг хүсээгүй ч бүх зүйл дуусчихаж болох байв” хэмээн Виржил ярьсан удаатай.
Зураг
Азаар бүх зүйл нааштай эргэж, түүний бие гайхалтайгаар хурдан сайжирсан байна. Сонирхолтой нь түүний бие муудахаас өмнө Ла лигийн хэд хэдэн багууд Виржилийг сонирхож, мань эр ч өөрөө Испани руу очиж тоглохыг үнэн сэтгэлээсээ хүсч байжээ. “Томрох нь тодорхой” түүн шиг авьяаслаг хамгаалагч хэрвээ тэр үед Испанид очсон бол удалгүй Реал Мадрид, Барсагийн тоглогч болчихсон байхыг ч үгүйсгэх аргагүй юм.

Амьдрал заримдаа тааварлашгүй. Хэрэв Виржилийн мухар олгой хагараагүй бол Шотландаар дамжиж Англид ирээд, улмаар дэлхийн хамгийн шилдэг хамгаалагч болоо ч уу? Үхэлтэй нүүр тулаад амжсан учраас түүнд ямар ч довтлогч хэцүү санагддаггүй ч байж мэднэ. Эцэг эх нь түүнийг 12-хон настай байхад салж, багаасаа амьдралын хэцүү бэрхийг сөрөн зогссон болохоор өдгөө хөлбөмбөгийн талбай дээр түүний хажуугаар салхинаас бусад нь зөрөн өнгөрөхөд бэрх болсон биз.
Зураг

Хариулах

Хэн холбогдсон байна

Энэ форумыг үзэж байгаа: 10 ба 0 зочин