Он гараад эхний аялал Булганы Хутаг Өндөр сум, Баатарван амралтанд оччихоод ирлээ.
Өмнө нь хажуугаар нь давхиад байснаас яг орж үзээгүй л байсан юм. Өө хайвал жоохон хол, хотоос 580 км гэж байна лээ. Гэхдээ асуудалгүй, дан засмал, замдаа Урьхан, Эрдэнэт, Төлүүгийн даваан дээр хоол идээд явчих болохоор гайгүй. Амрагчид бас өөрсдийнх нь автобусаар явж болдог гэсэн, вагоноор явбал Эрдэнэтээс тосоод явчихдаг гэж ойлгосон.
Орчны байгал бол янзын, манайхан мэдэх л байлгүй, яг Сэлэнгэ мөрний хөвөөн дээр, гүүрний наана, уул устай сайхан хангай газар. Өвөлдөө гэр амралт нь буусан байна лээ.
Өмнө нь ганц том байшин байсан бол одоо хажуудаа дахиад нэг өвлийн байр барьчихаж. Хүн битүү, машин битүү байна. Миний үеийнхэн хүүхдээ дагуулсан ирсэн байсан, настайчууд тийм их харагдсангүй бодвол холдоод байдаг бололтой. Тэрийгээ дагаад ууж идэх, согтуу хөлчүү хүмүүс гайгүй харагдана лээ. Дотроо кино театртай, тэнд нь зарим үед кино, хүүхэлдэй тавьчихаар амрагчид нь орж үздэг юм байна. Бусад үедээ улаан булан буюу диско хаха. Намайг байх үеэр Ариунаа тоглож таараад, би дуртай биш болохоор үзээгүй ээ, билет нь 10,000 гэсэн, манай хэд үзсэн чинь яг өөрөө цөөхөн дууллаа гэж сонсогдов. Доороо зогсоолтой, эмчилгээний өрөөнүүдтэй, теннис, муухан пүүл тоглох ширээтэй. Нөгөө шинэ байрандаа ресторан, караоке, бассейн, хүүхдийн тоглоомын өрөөтэй. Байх хугацаандаа бассейнд нь орж үзсэн, тун дажгүй. Хажуудаа жижиг, дулаан устай хүүхэд орчих бас нэг байсан.
Тохь тух, хоол унд бол ярилтгүй сайхан юм байна. Өрөө болгон дотроо 00, душь, кабельтай, бас барилга бүхэлдээ вайфайтай
. Өглөө хөнгөн цай, тэгсгээд нэг жүүс, өдөр 1,2-р хоол, үдээс хойш, боорцог сүүтэй цай мэтхэн, орой нэг хоолтой. Хажуудаа бас дэлгүүр ажиллана хэхэ.
Сувилал болохоор бариа, физик эмчилгээ нтр байна лээ, амарсан хоногоос шалтгаалж ямар эмчилгээ үнэгүй хийгдэхийг шийднэ. Бусдыг нь төлбөртэй хийнэ, би байх хугацаандаа өвдөг, хамрандаа шарлага хийлгээд, толгой хүзүү бариулж, бумба тавиулсан. Хүмүүс тэгээд л аль аятайхнаараа амардаг юм байна. Ойрхон сахарын, ходоодны рашаантай, тэндээсээ өглөөд авчраад тавьчихдаг, даанч гялс дуусна. Сэргээн засалт, сувилал утгаараа их дажгүй, Гранд мед эмнэлгийн салбар.
Үнийн хувьд 1-3 хоног нь хамгийн үнэтэй, 4-6 арай хямд, 7-ээс дээш хоноход хамгийн бага үнээ өгдөг юм байна. Бас эрт захиалбал үнэ хямдрана, тэгээд шинэ жилээс цагаан сар хүртэл битүү захиалга байсан.
Миний хувьд хотоос гарч утаанаас холдсон, хөгшчүүл хамт явсан болохоор аль болох байшингаас гарч хүүхдүүдээ агаар амьсгалуулъя гэж бодоод тэр хавиар хэсэг алхсоон, машин нэг ч асаагаагүй. Ер нь бол очиж амарвал дор хаяж 5 хоног зүгээр санагдав.
Яг залуучууд очно гэвэл юу гэмээр юм дээ, арай өөр юм санал болгоно. Хүүхдүүд, хөгшчүүдээ авч очвол илүү фамили фрэндли санагдав. Хэрвээ зун явбал голын эргээр гэр баазаар нь буугаад явчихад болно. Ядаж л идэж уух, орилж хашгирахад амар хаха. Тэр хавийн байгалийн талаар ярилтгүй, үнэхээр сайхан. Магадгүй хөвсгөл ч юмуу явж амарч байхад замдаа хонох газар бас байж болно. Уг нь бол хүүхэд хөгшчүүдээ үлдээгээд цаашаа Хөвсгөл нуур хөлдүү байхад очиж үзээд Ханх орно гэж бодож байсан ч 1-р сард яг сайн хөлддөггүй, мэдэхгүй хүнгүй бол аюултай гэнэ.
Амралтын талаар дэлгэрэнгүйг эндээс нтр
https://www.baatarvan-amralt.mn/
Нээрээ Хатанбаатар Магсаржавын өлгий нутаг юм байна, нутгийн айл болгонд орвол нэг юм байгаа л гэх юм, дагаад амралт нь бас БААТАР ВАН нэртэй, гаднаа том хөшөөтэй. За нэг иймэрхүү байх шив. Заваараа өнгөрсөн зун Увс явсан тэмдэглэлээ хийнээ, тэрний өмнөх гэвэл Завхан аялал гээд байнаа байна хэхэ.
